MAAN

Santurtzin egindako etxebizitza eraberritze honen helburua hasieratik argi zegoen: etxeko espazioak eguneko eta gaueko eremuetan antolatzea. Eraberritzearen aurreko egoeran, etxebizitza normal baten aurrean aurkitu genuen geure burua, barneko sukaldea eta egongela ondoan gela batekin, espazio guztiak banatuta eta barruan argi natural gutxirekin.

Lehen urratsa sukaldea eta egongela eguneko argia bizien den tokian bateratzea izan zen, eta, horretarako, sukaldeko elementuak, hots, garbigailua, ontzi-garbigailua eta konketa hustu ahal izateko zoruak altxatu eta altuera desberdinak egiteko beharrik ez izatearren bulkada ponpak erabili behar izan genituen.

Sortutako espazioak zabaltasun sentsazioa lortzen du, altzaria estaltzeko aukeratutako intxaur xaflazko estalduraren bidez egongela zerbitzatzen duen “totem” zentralari esker, eta egur bera erabiliz dama-taula xafla-lan baten bidez, sukaldeko barragain praktiko bat sortuz.

Gelak independenteak egiten dira beira-itxitura eta errementari profilekin, zabaltasun espaziala mantenduz baina sukaldearen eguneroko erabileran hain bereizgarriak diren zarata eta usainak geldiaraziz. Gainera, beiraz egindako hutsune estrategiko bat uzten da, sukaldean sartzen den argia etxeko gunerik ilunenera irits dadin: korridorera.

Makil-ate simetriko bi erabiliz, sarrera eta gaueko eremua bereizten ditugu, ordena bisuala lortuz eta lasaitasun eta erlaxamendu sentsazioa sortuz.

Gaueko eremuan, korridorearen tunel-sentsazioari aurre egiteko argiztapena kontu handiz landu genuen, hobi perpendikularretan integratutako fokuak eta gaueko itsualdia saihesteko hormarekin berdindutako mugimendu-sentsoreek kontrolatutako argi adierazleak erabiliz.

Gela nagusirako sarbidea jantzigela-komunetik egiten da, non espazio berean bi erabilera integratzeko profilik gabeko beira erabili eta tonuak eta sabaiaren altuerekin jolastu genuen.

Etxebizitza eraberritze proiektu honetan, horman sartutako kanilek, egongelako Vibiaren Big lanpara erregulagarria bezalako argi tekniko eta apaingarriek, egur naturalak, granitoak eta tonu leunek familiartean bizitzeko espazio erosoa dute ondorio legez.