PILAR MARCOS PELUQUERÍA

Lokal komertzial batean egindako eraberritze eta barne diseinu proiektu hau hasieratik erronka bat izan zen. Metro karratu gutxiko lonja bati buruz ari gara, non lasaitasuna eta erosotasuna sortzeko zabaltasun eta erlaxazio pertzepzioa lortzea ezinbestekoa zen. Negozioaren oparotasuna sustatzeko bezeroengan ongizatea sortzeko lasaitasun eta sosegu sentimendua beharrezkoak dira eta, egunerokotasuna etengabeko mugimendu fluxu bilakatzen den lekuan, hau izan zen eraberritzearen funtsezko helburua.

Horretarako, zuria lan-eremua bateratzeko erabili genuen, elementu apaingarri askorik gabe, eta daudenak (erlaitza adibidez, klasizismo ukitu hori emateko) zarata bisualik ez sortzeko ingurunearekin batu egiten dira. Egurra erabiltzeak zuriaren gehiegizko ukitu minimalistari berotasuna ematen dio eta arintzen du, horretarako zorua eta hondoko horma estali genituelarik, azken hau azpimarratu eta bisualki urruntzeko argiztatuz. Forma organikoko ispilu handiek, ertzerik gabekoak, leunak…, espazioa are gehiago zabaltzen dute, urrezko ukitu bereizgarri  leundun Anastassiadesek Flosentzat egindako lanpara esekiak hauetan proiektatzen direlarik.

Biltegi eta komun-eremu pribatua eskala monumentaleko haritz-arkuaren erabilerarekin eta lurrean txertatutako proiektoreek isurtzen duten argi epelarekin lan-eremutik bereizi dugu. Grafito kolorea zoruan, ateetan, hormetan eta sabaietan zuriaren kontrapuntu gisa erabili dugu, horrela, eremuak ezin hobeto mugatuak geratzen direlarik eta ordena nabarmentzen delarik, lasaitasun sentsazioa lortzeko funtsezko baliabidea dena.

Azkenik, profil arineko liburutegi beltz bat eta salgai dagoen produktua erakusteko horman integraturiko beirazko apal batzuk jarri genituen, sustatzeko beste negozio-bide bat dena.